miércoles, 19 septiembre, 2018
Portada > Actualidad > Luz verde pola ELA no Día Mundial da Esclerose Lateral Amiotrófica

Luz verde pola ELA no Día Mundial da Esclerose Lateral Amiotrófica

Hoxe, 21 de xuño, é o Día Mundial da Esclerose Lateral Amiotrófica (ELA). A Asociación Galega de Esclerose Lateral Amiotrófica, (AGAELA) conmemora este día iluminando Galicia de cor verde. #LuzporlaELA é o nome da acción de visibilidade e solidariedade que se levará a cabo en todo o territorio nacional. 

En Galicia iluminaranse de verde os edificios da Deputación de A Coruña e de Pontevedra, a Torre de Hércules e a Fonte de Catro Camiños en A Coruña, a Fonte do Paraugas e a Igrexa de Santa María de Cambre, a Casa do Concello de Cangas e Frigoríficos do Morrazo, os Concellos de Ferrol, Pontevedra, O Barco de Valdeorras ou Muros, a Ponte Romana de Ourense, o Pazo de Raxoi ou a Cidade da Cultura en Santiago de Compostela, as Fontes de Aragón en Vigo, a Torre da Homenaxe en Monforte de Lemos, entre outros.

Como colofón ao Día Mundial, o primeiro sábado do verán que se iluminará a Cascada do Ézaro de Dumbría, será de cor verde, pola Esclerose Lateral Amiotrófica, sendo o próximo día 23 de xuño ás 23 horas.

O obxectivo que persegue #LuzporlaELA é dar visibilidade aos afectados por esta enfermidade e recadar fondos para mellorar a súa calidade de vida e a dos seus familiares. A nivel nacional iluminaranse as 14 cidades Patrimonio da Humanidade de España, a fonte de Cibeles en Madrid ou a Praza de España en Sevilla, sen esquecernos dun longo listado de cidades entre as que, para AGAELA ten un significado especial Fabero, que iluminará a Casa do Concello e a Estatua do Mineiro na honra dun afectado de ELA galego falecido recentemente.

A ELA, unha realidade ignorada

A ELA é unha enfermidade neurolóxica complexa e incurable, que ataca ás neuronas encargadas de controlar os músculos voluntarios, provocando que estes deixen de funcionar progresivamente. Así, os pacientes de ELA, de forma gradual, comezan a ter problemas en funcións tan básicas como camiñar, comer, falar, ou levantarse da cama. Estas persoas necesitan cada vez máis axuda para realizar as actividades da vida diaria, volvéndose máis e máis dependentes. Sen embargo, a súa capacidade intelectual permanece intacta, polo que en todo momento son conscientes da súa enfermidade. Neste sentido, os afectados de ELA son persoas atrapadas nun corpo que deixou de funcionar. Neste documental da Fundación Francisco Louzón, refléxanse as historias de superación de persoas afectadas por ELA.

Trátase dunha patoloxía de carácter fatal nun breve prazo de tempo que require dunha atención coordinada e multidisciplinar tanto no eido sanitario como no soporte social a quen a sofre e ás súas familias. Aínda que non todas as persoas con ELA evolucionan igual, a esperanza de vida media é de 2 a 5 anos. Na actualidade, 4.000 persoas padecen ELA en España. Cada ano, diagnostícanse 900 novos casos e falecen 900 persoas a causa desta enfermidade.

Deja un comentario

Tu dirección de correo electrónico no será publicada. Los campos obligatorios están marcados con *